Swyddog Cymorth Cymunedol yr Heddlu - Birmingham, Caerdydd, Lerpwl, Newcastle, Rhydychen, Sheffield, Abertawe, Swindon ac Efrog

Job Introduction

Ymunwch â ni yn Heddlu Trafnidiaeth Prydeinig (BTP) wrth i ni recriwtio PCSOs (Swyddogion Cymorth Cymunedol yr Heddlu) i wneud gwahaniaeth yn ein cymunedau.

Dywedodd yr Uwch-arolygydd David Rams: "Mae ein swyddogion Cymorth Cymunedol yr Heddlu yn rhan annatod o deulu Heddlu Trafnidiaeth Prydeinig. Maent yn cyflawni gwaith hanfodol ar draws y rhwydwaith rheilffyrdd i gadw teithwyr a staff yn ddiogel. Rydym yn gofalu'n fawr am ein swyddogion Cymorth Cymunedol yr Heddlu sy'n darparu gwasanaeth eithriadol i'n cymunedau ledled Cymru a Lloegr."

Ai dyma'r rôl i chi?

Mae BTP yn chwilio am Swyddogion Cymorth Cymunedol yr Heddlu i ymuno â'n tîm, gan amddiffyn a gwasanaethu amgylchedd y rheilffordd a'i chymuned i leihau aflonyddwch, troseddu ac ofn troseddu. Mae'r rôl hon yn hanfodol i'n cenhadaeth.

Fel PCSOs y Swyddfa Gartref, mae PCSOs BTP yn canolbwyntio ar orfodi Is-ddeddfau’r BTP o fewn yr amgylchedd rheilffyrdd, gan gynnig cyfrifoldebau amrywiol lle nad oes dau ddiwrnod yr un fath. Mae cyfrifoldebau'n cynnwys cynnal patrolau gweladwy mewn gorsafoedd, gofalu am ddioddefwyr, rheoli bygythiadau diogelwch, ymchwiliadau i droseddau bach, meithrin perthnasoedd cymunedol, a chefnogi swyddogion heddlu. Yn wahanol i heddluoedd y Swyddfa Gartref, mae ein PCSOs yn cael eu hyfforddi ai'u cyfarparu â gefynnau.

Dylai ymgeiswyr delfrydol arddangos gwydnwch, sgiliau gwasanaeth cwsmeriaid rhagorol, ac angerdd dros ymgysylltu â'r gymuned a chreu partneriaethau. Dylai PCSOs fod yn barod i weithio sifftiau, gan gynnwys penwythnosau a gwyliau banc. 

Lleoliadau

Rydym yn chwilio am PCSO's o fewn ein Hadran C: Birmingham, Caerdydd, Lerpwl, Newcastle, Rhydychen, Sheffield, Abertawe, Swindon ac Efrog.

Ar gyfer lleoliadau postio yng Nghymru, mae'r gallu i siarad Cymraeg yn ddymunol ond nid yn sgil hanfodol yn y broses ddethol.
 

Yn gyfnewid am eich ymrwymiad, byddwch yn derbyn:

• Cyflog cystadleuol: £27,338.69 a lwfans sifftiau hyd at 20%.
• Derbynnir lwfans sifft o 15% o leiaf ar ôl cwblhau 8 wythnos o hyfforddiant. Gall lwfans sifftiau fod hyd at 20% ond bydd yn ddiofyn i 15% yn y lle cyntaf. Bydd hyn yn cynyddu o flwyddyn i flwyddyn, nes i chi gyrraedd pwynt uchaf y golofn gyflog. 
• Buddion gan gynnwys 28 diwrnod o wyliau sy'n codi i 30 diwrnod, buddion teithio, a mynediad at gyfleoedd datblygu mewnol.
• Cyfleoedd dysgu a datblygu parhaus a gefnogir gan ein timau talent a datblygu mewnol. Gan gynnwys dilyniant mewnol i ddod yn Swyddog Heddlu. 

Ydych chi'n gymwys?

Ni fyddwch yn gymwys i wneud cais os:

• Rydych chi wedi bod yn aflwyddiannus yn ystod y 6 mis diwethaf ar gyfer rôl PCSO gyda BTP.
• Os ydych chi wedi bod yn aflwyddiannus yn dilyn eich cais neu brawf gallu ar-lein ar gyfer Swyddog Heddlu, Cwnstabl Arbennig neu PCSO, rhaid i chi aros 6 mis cyn ail-ymgeisio am unrhyw un o'r rolau hyn.
• Rydych chi wedi bod yn aflwyddiannus yn dilyn gwiriadau fetio BTP o fewn y 12 mis diwethaf.
• Rydych chi erioed wedi derbyn dedfryd o garchar; mae hyn yn cynnwys dedfrydau gohiriedig (rhaid datgan rhybuddiadau, euogfarnau ac ymwneud arall â'r heddlu ond nid ydynt o reidrwydd yn rhwystr i gyflogaeth).
• Rydych chi wedi cael eich diswyddo o heddlu arall o'r blaen neu mae gennych chi ymchwiliad byw ar hyn o bryd.
• Rydych chi wedi cael eich datgan yn fethdalwr, mae gennych chi CCJ neu IVA heb ei reoli.
• Mae gennych chi datŵs sy'n cael eu hystyried yn dramgwyddus; bydd tatŵs ar yr wyneb a'r gwddf yn cael eu hystyried fesul achos.
• Nid oes gennych hawl barhaol i fyw a gweithio yn y DU. 
• Nid ydych chi wedi byw'n gyson yn y DU am y 3 blynedd diwethaf.

Y Pensiwn:

Gweinyddir Cynllun Pensiwn Staff Heddlu BTP GPP gan Royal London. Mae'n gynllun cyfraniadau diffiniedig, sy'n cynnig yr hyblygrwydd i weithwyr amrywio eu cyfraniadau pensiwn o 4.4% i 12% o'u cyflog. Am ragor o wybodaeth, ewch i dudalen pensiwn bwrpasol Royal London neu anfonwch e-bost atom yn Pension-Queries@btp.police.uk.

Noder os ydych chi'n aelod presennol o Staff yr Heddlu yn yr RPS na fydd eich pensiwn yn cael ei effeithio. 

Eisiau gwneud cais?

Gwnewch gais nawr! 
Y dyddiad cau ar gyfer ceisiadau yw hanner nos ar 28 Medi 2025. Fel rhan o'r broses ymgeisio, bydd gofyn i chi gwblhau Prawf Barn Sefyllfaol (SJT). Noder, os na fyddwch yn pasio'r SJT, ni fydd eich cais yn symud ymlaen ymhellach ar hyn o bryd. Fodd bynnag, mae croeso i chi ail-ymgeisio yn y dyfodol unwaith y bydd y cyfnod ail-ymgeisio yn caniatáu. Am ragor o wybodaeth ynghylch y meini prawf cymhwysedd a'r broses ymgeisio, cyfeiriwch at y pecyn recriwtio sydd ynghlwm. 
 
Mae hefyd yn ddoeth gwneud cais ar ôl mynychu sesiwn Holi ac Ateb gyda'r Tîm Recriwtio.

Mae hwn yn gyfle parhaus, felly er na ellir gwarantu lleoliad ar unwaith, bydd ymgeiswyr llwyddiannus yn cael eu hystyried am hyd at 12 mis o'r adeg y byddwch yn derbyn cynnig cyflogaeth amodol.
  

Unrhyw gwestiynau?

Os ydych chi eisiau gofyn unrhyw gwestiynau lletchwith neu ‘amlwg’ i ni, os ydych chi’n ansicr a yw eich amgylchiadau personol yn addas ar gyfer gyrfa fel PCSO ond ddim yn gwybod sut i siarad â ni amdano neu os oes gennych chi unrhyw gwestiynau am y broses ymgeisio, anfonwch e-bost at ein tîm cyfeillgar a chymwynasgar lle byddwn ni’n hapus i helpu: RecruitmentTeam@btp.police.uk. Er mwyn rhoi sicrwydd i chi, bydd unrhyw beth a ofynnwch i ni yn gyfrinachol iawn ac ni fydd yn rhan o'ch cais.

Rydym wedi ymrwymo i amddiffyn y cyhoedd a chefnogi'r gymuned. Ymunwch â Heddlu Trafnidiaeth Prydeinig heddiw